Fərdi sahibkarlar üçün rəqəmsal imza

Tez-tez verilən suallar

SİMA nədir?

SİMA – elektron imzanın bulud texnologiyalarına əsaslanan versiyasıdır. Bu həll üztanıma və açıq açar texnologiyasını özündə birləşdirir.

SİMA fərdi sahibkar həlli dedikdə nə nəzərdə tutulur?

SİMA son istifadəçilərinin fərdi sahibkarlar olduğu, üztanıma və açıq açar texnologiyasını özündə birləşdirən rəqəmsal imzadır.

SİMA fərdi sahibkar həlli hansı sahələrdə istifadə oluna bilər?

Fərdi sahibkar üçün nəzərdə tutulan SİMA rəqəmsal imza maliyyə, sığorta, əmək fəaliyyəti, vergi, gömrük sahələrində, dövlət elektron xidmətlərindən istifadə zamanı tətbiq edilə bilər.

SİMA tətbiqini necə yükləyə və istifadə edə bilərəm?

SİMA-nı “Google Play Store” və “Apple App Store”dan yükləyib qeydiyyatdan keçərək inteqrasiya olunduğu istənilən xidmət sahələrində istifadə edə bilərsiniz.

“Tərəfdaşlar” dedikdə nə nəzərdə tutulur?

“Tərəfdaşlar” dedikdə SİMA ilə inteqrasiya olunmuş, elektron xidmət göstərən dövlət qurumları və özəl təşkilatlar nəzərdə tutulur.

SİMA hansı qanunlara əsaslanır?

SİMA Azərbaycan Respublikasının "Elektron imza və elektron sənəd haqqında", "Biometrik informasiya haqqında" və "Azərbaycan Respublikasında elektron imza və elektron sənədlə bağlı bəzi normativ hüquqi aktların təsdiq edilməsi haqqında" qanunlarına tam uyğundur.

SİMA tətbiqində fərdi sahibkar sertifikatını əldə etmək ödənişlidirmi?

SİMA ilə fərdi sahibkar sertifikatının əldə edilməsi tamamilə ödənişsizdir. İstifadəçi yalnız sertifikatdan istifadə edə bilməsi üçün tarif seçimi edərək abunəlik haqqının ödənişini edir. Abunəlik üzrə 1 aylıq abunə haqqı 2.40 AZN (ƏDV daxil), 1 illik abunə haqqı 25 AZN (ƏDV daxil), 3 illik abunə haqqı isə 55 AZN (ƏDV daxil) təşkil edir.

SİMA ilə əldə olunan fərdi sahibkar sertifikatının müddəti nə qədərdir?

Qeydiyyat zamanı əldə olunan rəqəmsal imza sertifikatının etibarlılıq müddəti 3 (üç) ildir.

Fərdi sahibkar imzasından istifadə etmək üçün SİMA mobil tətbiqində necə qeydiyyatdan keçmək olar?

İlkin mərhələdə SİMA tətbiqində vətəndaş qismində qeydiyyatdan keçmək lazımdır. Daha sonra tətbiqdə “Sertifikat əlavə et” seçmək, VÖEN məlumatlarını daxil etmək və razılaşma sənədini pin-kod təyin etməklə imzalamaq lazımdır. Növbəti mərhələdə əldə edəcəyiniz fərdi sahibkar sertifikatına ad və pin-kod təyin etməklə 3 illik sertifikatı əldə edirsiniz.

SİMA tətbiqi mobil cihazdan silindikdə və ya qeydiyyatdan keçdiyim telefon itdikdə nə etməliyəm?

Tətbiq mobil cihazdan silindikdə həm vətəndaş, həm də fərdi sahibkar sertifikatı silinir. Bu zaman tətbiqi yenidən yükləyib təkrar qeydiyyatdan keçmək lazımdır. Qeydiyyatı ilk öncə vətəndaş kimi tamamlayıb, VÖEN və digər məlumatları təqdim edib təkrar fərdi sahibkar sertifikatınızı əldə edə bilərsiniz. Tətbiqin silinməsinin abunəlik müddətinə heç bir təsiri yoxdur, qeydiyyat tamamlandıqda, qalmış abunəlik müddəti təkrar əlavə edilir. Telefon itdikdə isə müştəri xidmətləri ilə əlaqə saxlayıb sertifikatın ləğvi üçün müraciət etmək lazımdır.

Fərdi sahibkarlar üçün sənəd imzalanması prosesi necə baş verir?

SİMA mobil tətbiqində fərdi sahibkar profilinizi açaraq “Əlavə et” seçirsiniz. İmzalanmalı olan PDF faylı əlavə edərək pin-kod daxil edirsiniz. Bununla da sənədin imzalanması baş verir. SİMA rəqəmsal imza tərəfdaş şirkət və qurumların sistemləri daxilində xidmətlərindən yararlandıqda da istifadə oluna bilər.

Sertifikat müddəti bitdikdə nə etməliyəm?

Sertifikatın müddəti 3 ildir və bu müddət bitdikdə menyunun profil bölməsindən “Sertifikatı yenilə” funksionallığından istifadə edərək prosesi təsdiqləməklə təkrar 3 illik sertifikat əldə edə bilərsiniz.

Abunəlik müddəti bitdikdə nə etməliyəm?

Abunəlik müddəti bitdikdə menyunun tariflər bölməsindən münasib tarif planını seçərək abunəliyi yeniləyə bilərsiniz.

SİMA ilə imzalanmış sənədin həqiqiliyini necə yoxlaya bilərəm?

SİMA ilə imzalanmış PDF sənədin imza məlumatlarını yoxlamaq üçün sənədi Adobe Reader ilə açmaq, faylın yuxarı hissəsində yerləşən imza panelindəki “Signature Panel”ə keçid etmək lazımdır. Əməliyyatı SİMA mobil tətbiqində “sənəd yoxla” hissəsinə keçib faylı əlavə etməklə də icra etmək mümkündür.

Tarifi necə dəyişə bilərəm?

Mövcud tarifi dəyişmək üçün menyudan tariflər alt menyusuna keçid edərək mövcud/seçilmiş tarif haqqında məlumat almaq, “Tarifi dəyiş” seçimi etməklə tarifi dəyişmək mümkündür.

Tarif dəyişdirildikdə əvvəlki abunəliyim qalırmı?

Tarif dəyişikliyi edildikdə yeni abunəlik müddəti öncədən qalan abunəlik müddəti üzərinə əlavə olunur.

Promokod nə üçündür?

Promokod, müəyyən dövrlər üçün nəzərdə tutulmuş endirim və kampaniyalardan yararlanmaq üçün nəzərdə tutulub.

Fərdi sahibkar profilimin pin-kodunu unutduqda nə etmək lazımdır?

Pin-kodu bərpa etmək üçün menyudan parametrlər alt menyusuna keçməklə “PİN kodu bərpa edin” seçin. Vətəndaş profilinizin pin-kodunu daxil edin və fərdi sahibkar profiliniz üçün yeni pin-kod yaradın.

Fərdi sahibkarlar üçün rəqəmsal imza

Üstünlüklər

Funksiyalar

Elektron xidmətlərdən elə indi istifadə edin

“ASAN Login”dən SİMA ilə:

“E-Customs” portalından SİMA ilə:

“E-gov” portalından SİMA ilə:

“Əmək Münasibətləri və Məşğulluq” (ƏMAS) altsistemindən SİMA ilə:

“Lisenziyalar və icazələr” portalından SİMA ilə:

"Yelo" mobil tətbiqində SİMA ilə

Rəqib məhsullarla müqayisə edin

Necə əldə edə bilərsiniz?

Tarif planları

Aylıq

İllik

3 illik

Tez-tez verilən suallar

Elə indi SİMA ilə fərdi sahibkar
sertifikatına sahib olun!

3 ay ödənişsiz

SİMA tətbiqini yükləyin

Fərdi sahibkarlar üçün rəqəmsal imza

Üstünlüklər

Funksiyalar

Elektron xidmətlərdən elə indi istifadə edin

“ASAN Login”dən SİMA ilə:

“E-Customs” portalından SİMA ilə:

“E-gov” portalından SİMA ilə:

“Əmək Münasibətləri və Məşğulluq” (ƏMAS) altsistemindən SİMA ilə:

“Lisenziyalar və icazələr” portalından SİMA ilə:

"Yelo" mobil tətbiqində SİMA ilə

Rəqib məhsullarla müqayisə edin

Necə əldə edə bilərsiniz?

Tarif planları

Aylıq

İllik

3 illik

3 ay ödənişsiz

Tez-tez verilən suallar

Elə indi SİMA ilə fərdi sahibkar sertifikatına sahib olun!

Elə indi SİMA ilə fərdi sahibkar
sertifikatına sahib olun!